ސިފައަށް ގެންނަ ބަދަލާއި ލާ ފޭރާމަކީ މީހާ ދީނީ އިލްމުވެރިއަކަށް ވާންޖެހޭ ސަބަބެއް ނޫންކަމަށް ރާއްޖޭގެ ކުރީގެ ރައީސުލްޖުމްހޫރިއްޔާ އަދި މޯލްޑިވްސް ރިފޯމް މޫވްމަންޓް (އެމްއާރްއެމް) ގެ ލީޑަރު މައުމޫން އަބްދުލްޣައްޔޫމް ވިދާޅުވެއްޖެއެވެ.
ރައީސް މައުމޫން މި މޭރުމުން ވާހަކަފުޅުދައްކަވާފައިވަނީ ވީޓީވީގެ "ބޮޑުފެންޑާ" ޕްރޮގްރާމުގައި ބައިވެރިވެވަޑައިގެން ވާހަކަފުޅު ދައްކަވަމުންނެވެ.
އެގޮތުން ޔޯގާ އަކީ ދީނީ ނަޒަރަކުން ބަލާއިރު ކުރުން ހުއްދަ ކަމެއް ނޫންކަމަށް ރާއްޖޭގެ ބައެއް ދީނީ އިލްމުވެރިން ވިދާޅުވާ ކަމަށާއި އެކަމާއިމެދު ރައީސް މައުމޫނުގެ ޚިޔާލުފުޅަކީ ކޮބައިތޯ މި ޕްރޮގްރާމުގެ ހޯސްޓު އެއްސެވުން ރައީސް މައުމޫން ވަނީ ދީނީ އިލްމުވެރިންނަކީ ކޮބައިތޯ އާއި ވަކި މީހަކީ ދީނީ އިލްމުވެރިއެއްކަމަށް ނިންމަނީ ކޮން ފަރާތަކުންތޯވެސް ރައީސް މައުމޫން އެއްސެވިއެވެ.
އަދި ޔުނިވާސިޓީއަކުން ވަކި މުއްދަތެއްވަންދެން ކިޔަވާލުމަށްފަހު އެނބުރި އައިސް، ތުނބުޅި ދިގުކޮށް އަރަބި ހެދުމެއް ލުމަކުން އަދި އެއީ ދީނީ އިލްމުވެރިއަކަށް ނުވާނެކަމަށް ރައީސް މައުމޫން ވިދާޅުވިއެވެ.
ރައީސް މައުމޫން ވަނީ، ފަސޭހަކަމާއެކު ގިނަ ބަޔަކަށް ދީނީ އިލްމުވެރިއެއްގެ ލަޤަބު މި މުޖުތަމައުގައި ދެމުން އަންނާތީވެ އެކަމާ ކަންބޮޑުވުން ފާޅުކުރައްވާފައެވެ.
މިސްރުގެ އަލް އަޒްހަރު ޔުނިވާސިޓީން ތައުލީމު ހާސިލްކުރައްވައިގެން ހުންނެވި ރައީސް މައުމޫން ވަނީ ދީނީ އިލްމުވެރިއެއްގެ ލަޤަބު ދޭންވީ ކިހާ ފެންވަރެއްގެ ބަޔަކަށްކަން ހާމަކުރައްވާފައެވެ. އަދި ދީނީ އިލްމުވެރިއަކަށް ވެވޭނީ ކިހާ ފެންވަރެއްގެ ސަނަދެއް އޮވެގެންކަން ބަޔާންކުރާ ޤާނޫނެއް، އެމަނިކުފާނުގެ ވެރިކަމުގައި ހަދާފައިވާކަން ފާހަގަކުރެއްވިއެވެ.
ޔޯގާ އާއިމެދު ރައީސް މައުމޫން ދެކިވަޑައިގަންނަވާ ގޮތަކީ ކޮބައިތޯ އެއްސެވުމުން އެމަނިކުފާނު ވިދާޅުވީ އެއީ ރަނގަޅު ކަމެއް ކަމަށެވެ. އަދި ޔޯގާ އަކީ އަޅުކަމެއްގެ ގޮތުގައި ކުރާ ކަމެއް ނޫން ކަމަށާއި، އެހެންކަމުން ބަޔަކު އެކަން ކުރާތީއޭ ކިޔާފައި އެކަން ނުކުރަން ޖެހޭ ސަބަބެއް ނެތްކަމަށް ދޭހަވާ މޭރުމަކުން ރައީސް މައުމޫން ވާހަކަދެއްކެވިއެވެ. އަދި ޔޯގާ ގައި ދިވެހިން އިރަށް އަޅުކަން ނުކުރާ ކަމަށާއި އެކަން ކުރަނީ ކަސްރަތެއްގެ ގޮތުގައިކަން ރައީސް މައުމޫން ފާހަގަކުރެއްވިއެވެ.
ވީޓީވީގެ ބޮޑުފެންޑާ ޕްރޮގްރާމުގައި ރައީސް މައުމޫން ޔޯގާ އާއި ގުޅޭގޮތުން މިފަދަ ވާހަކަތަކެއް ދައްކަވާފައިވާއިރު، ބައިނަލްއަގްވާމީ ޔޯގާ ދުވަސް ރާއްޖޭގައި ފާހަގަކުރުމަށް ބޭއްވި ހަރަކާތުގައި ހިނގައިދިޔަ ކަންތައްތަކާ ގުޅުވައިގެންވެސް ރައީސް މައުމޫން ވަނީ ރައުޔެއް ނެރުއްވާފައެވެ.
މައުމޫން ނެރުއްވި ރައުޔުގައި ވަނީ، ގައުމީ ނުވަތަ އިޖުިތިމާޢީ މުނާސަބަތުތައް ފާހަގަކުރުމާއި އިންސާނީ ގުޅުންތައް ބަދަހިކުރުމަށް ކުރެވޭ ކަންކަމާއި އުފަންދުވަސް ފާހަގަ ކުރުމާއި އެކިއެކި ކުޅިވަރު ކުޅުމާއި މުނިފޫހި ފިލުވުމަށް ކުރާ ކަންކަމަކީވެސް ހުއްދަ ކަންކަމުގެ ގޮތުގައި ބެލެވޭނެ ކަންކަމެވެ.
ހަރާމް އަދި ހަލާލު ކަންކަމަކީ ކަނޑައެޅި ބަޔާންވެގެންވާ ކަންކަންކަމަށާއި، ހަރާމް ކަންކަމުގެ ގޮތުގައި ކަނޑައަޅުއްވާފައިވާ ކަންކަމާއި އެކަންކަމުގެ މައްޗަށް ހަރާމްކަމުގެ ގަރީނާތައް ފެންނާން ހުރި ކަންކަން ފިޔަވައި އެހެން ހުރިހާ ކަންކަމަކީ ހުއްދަވެގެންވާ ކަންކަން ކަމުގައި މައުމޫން ވިދާޅުވެފައިވެއެވެ.
މި ރައުޔާއި ގުޅިގެންވެސް ގިނަ އަދަދެއްގެ އިލްމުވެރިންގެ ނުރުހުމާއި ފާޑުކިޔުން ރައީސް މައުމޫނަށް އަމާޒުވެފައިވެއެވެ.
އަޅުކަމެއް ޒާތައް ކުރާ ކަމަކާ ކުޅިވަރެއް ޒާތައް ކުރާ ކަމަކާ ހާސްތަނުން ތަފަތުވާނެ. މީހަކު ކަރުގަ ހަތަރެސްކަން ކާލިނގަނޑެއް އަޅަިގެން ހުރީމަ ބުނެފާނެ ސޮލީބެކޭ.ކީއްބާ އެކަމުން ވާނީ. އެއަށް އަޅުކަން ކުރަނީކީ ނޫން ސަލީބެއްކަމށް ގަބުލުމުރަނިކީނޫން.މިކަހަލަ.ކަންކަން ތަފާތުވާނެ.އިންޑިޔާ ވިޔަސް ފުކެއް ބޮޑުވަރު ތިޔައީ.
ތުބުޅި ބާލައި އޮމާންކޮއްފައި ދުނިޔެ ގަބޫލުކުރާވަރުގެ ދީނީ ޔުނިވާސިޓީ އަކުން ތައުލީމު ހާސިލުކޮށްފައި އެކަމަކު ދުނިޔޭގެ ލައްޒަތާއި އިއްޒަތުގެ ދަހިވެތިކަމުގައި އަސްލު އޮޅުވާލުން ޖެހެނީކޮންތާކުބާ؟
ޓީވީ ތަކުގެ ފަލަ ސުރިޚީތަކަށް އަރާ ވާހަކަ ދެއްކުމަކުން އަދި ދީނީ އިލްމުވެރިއަކަށް ނުވާނެ.