ބޭންކް އޮފް މޯލްޑިވްސް (ބީއެމްއެލް)ގެ އިންޓަނޭޝަނަލް މަނީ ޓްރާންސްފަރ މެދުވެރިކޮށް ރާއްޖެއިން ބޭރަށް ފައިސާ ފޮނުވާ ކަސްޓަމަރުންނަށް ހާއްސަ ޕްރޮމޯޝަނެއް މިއަދު ފަށައިފިއެވެ.
މި ޕްރޮމޯޝަން ނިމުމުން ބޮޑު އިނާމުގެ ގޮތުގައި ގުރުއަތުން ހޮވޭ 3 ފަރާތަކަށް 15،000 ރުފިޔާގެ ގިފްޓް ކާޑެއް ދިނުމަށް ހަމަޖެހިފައިވާ ކަމަށް ބީއެމްއެލުން ބުނެެއެވެ.
މި ޕްރޮމޯޝަންގެ ދަށުން ކޮންމެ ހަފްތާއަކު 9 ފަރާތެއް ގުރުއަތުން ހޮވުމަށް ބޭންކުން ހަމަޖައްސާފައިވާއިރު ޕްރޮމޯޝަންގެ ދަށުން ކަސްޓަމަރުންނަށް 500 ޑޮލަރުން ދަށުގެ ޓްރާންސެކްޝަން ތަކުގެ ތެރެއިން ގުރުއަތުން ހޮވޭ 3 ފަރާތަކަށް 750 ރުފިޔާގެ ގިފްޓް ކާޑެއް ލިބުމާއި 501 ޑޮލަރާއޮ 1000 ޑޮލަރާއި ދެމެދުގެ ޓްރާންސެކްޝަން ތަކުގެ ތެރެއިން ގުރުއަތުން ހޮވޭ 3 ފަރާތަކަށް 2،000 ރުފިޔާގެ ގިފްޓް ކާޑެއްގެ ލިބިމުގެ ފުރުސަތުގެ އިތުރުން 1،000 ޑޮލަރުން މަތީ ޓްރާންސެކްޝަން ތަކުގެ ތެރެއިން ގުރުއަތުން ހޮވޭ 3 ފަރާތަކަށް 3،500 ރުފިޔާގެ ގިފްޓް ކާޑެއް ދިނުމަށްވަނީ ހަމަޖެހިފައެވެ.
މި ޕްރޮމޯޝަން ކުރިއަށް ދާނީމިއަދުން ފެށިގެން ޑިސެމްބަރުމަހުގެ 18ވަނަ ދުވަހާއި ހަމައަށްކަމަށް ބޭންކުން މައުލޫމާތުދެއެވެ.
މި ޕްރޮމޯޝަންއާ ގުޅޭ އިތުރު މައުލޫމާތު ބީއެމްއެލްގެ ވެބްސައިޓުން ލިބެން ހުންނާނެ ކަމަށް ބޭންކުން ހާމަކުރެއެވެ.
